दाङमा mno का केही जुझारु कार्यकर्ताहरुलाई प्रहरीले नियन्त्रणमा लिएका छन्। कारण सुन्दा तपाईं चकित पर्नु हुनेछ।

मंगोल नेशनल अर्गनाइजेसन एउटा लोकतान्त्रिक राजनितीक संगठन हो। जुन संगठनले स्थापना काल देखिनै लोकतन्त्र, धर्मनिरपेक्ष र प्रान्तीय सरकारका बिषयमा वकालत गर्दै आइरहेको कुरा सम्पुर्ण जनमानसमा सर्वविदित्तै छन्। नेपालको रुढीबादी परम्परा, कुसंस्कार तथा अन्धविश्वासमा जिउन बाध्य पारिएको समस्त नेपाली जनहरु प्रति यसको वास्तविकता माथि प्रकाश पार्दै सामाजिक जनचेतना जस्ता महत्त्वपूर्ण कार्यहरु लाई प्राथमिकता दिने र नेपालको बाउनवादी सरकारको निरङ्कुस् तानाशाही नितिको खण्डन गर्दै आइरहेको कुरा पनि सबैमा जानकार छन्।

mno ले राजनितिक, आर्थिक, शैक्षिक, धार्मिक र साँस्कृतिक क्रान्तिलाई आधाार बनाएर राजनितीक यात्रा सुरु गरेको पनि आज ३० अौं वसन्त भइसकेछ। यत्रो ३० बर्षको अन्तरालमा पनि मंगोल नेशनल अर्गनाइजेसन लाई मुलुक ब्यापी बनाउन नसक्नु र देश तथा बिदेशमा रहने ८०% अहिन्दु मुलवासी मंगोलहरुले mno लाई राम्रोसँग चिन्न नसक्नु वा नबुझ्नु धेरै दु:ख लाग्दो कुरा हो। भने यस राजनितीक संगठनलाई गुमनाम तथा समाप्त पार्न विभिन्न षड्यन्त्रकारी तत्वहरु दिलो ज्यान लगाएर रातोदिन लागिपरे। त्यसैको प्रत्येक्ष वा अप्रत्यक्ष असरले गर्दा खेरि नै यो संगठनले भनेको जस्तो मुलुक वा विश्वव्यापी रुप लिन सकेन।  संगठनको प्रचारप्रसार, प्रशिक्षण, नगर अधिबेशन, जिल्ला अधिबेशन देखि लिएर विभिन्न कार्यक्रमहरु सफल हुन नदिन जहिल्यै पनि कुनै न कुनै पक्षबाट हस्तक्षेप गिरहरे। एउटा लोकतान्त्रिक राजनितीक संगठनका बिभिद कार्यक्रमलाई बिफल पार्न लोकतान्त्रिक मुलुककै सरकार अग्रपंतिमा छन्।

यहि १ जनवरी २०१९ को दिन मंगोल नेशनल अर्गनाइजेसनको ३० अौं स्थापना दिवस दाङ जिल्लाको घोराही उपमहानगर पालिकामा सम्पन्न हुँदैछन्। यसै स्थापना दिवसलाई सभ्य र भव्य रुपमा सौहार्दपुर्ण बातावरणमा सम्पन्न गराउनको  निमित्त mno का नेता तथा कार्यकर्ताहरुले विभिन्न घरदैलो अभियान, प्रशिक्षण तथा भित्तेलेखन अभियानलाई तिब्र रुपमा अगाडि बढाउँदै छन्। लोकतान्त्रिक मुलुकमा लोकतान्त्रिक संबिधानको भाग २९ को राजनितीक दल सम्बन्धि ब्यवस्था को धारा २६९ मा ब्यवस्था गरिए अनुसार एउटा लोकतान्त्रिक राजनिती संगठनले आफ्नो कुनैपनि कार्यक्रम गर्न पाउने स्वतन्त्र अधिकार सुनिश्चित छन्।

यसै बिधान अनुरुप लोकतान्त्रिक राजनितीक संगठनले उपभोक गर्न पाउने स्वतन्त्र अधिकार अनुसार नै मंगोल नेशनल अर्गनाइजेसनले देशब्यापी रुपमा सांगठनिक तथा विभिन्न जनचेतना मुलक कार्यक्रमहरु गर्दैछन्।

                 यसै सिलसिलामा संगठनको ३० अौं स्थापना दिवसको कार्यक्रमलाई ब्यपक बनाउनको निमित्त भित्ते लेखन अभियानमा खट्नु भएको मुलवासी मंगोलका केही जुझारु कार्यकर्ता हरुलाई लोकतन्त्रवादी सरकारका प्रशासनले माथिको आदेश भन्दै लोकतान्त्रिक संबिधानको धजिया उडाउँदै असंवैधानिक पुर्वक हिरासतमा राखिएका छन्। प्रहरीले थुनामा राख्नुको कारण भने हामी मंगोल हिन्दु होइनौंं, हिन्दु चाड मन्दैनौं, जातजाति भन्दैनौं भन्ने मंगोल नेशनल अर्गनाइजेसनका नाराहरु रहेको बताएका छन्। सरकारले मंगोल नेशनल अर्गनाइजेसनका यी योद्धाहरु लाई छिटोभन्दा छिटो बिनासर्त रिहा गरि लोकतन्त्रको सम्मान गर्न अनुरोध गर्दछौं।
जै मंगोल!    जै मुलवासी!!